لټون

د بشري حقونو د موور جایزې ۲۰۲۶ لپاره څلور کتابونه نوماند شول

20 لړم 1405 - 19:50 107 views
د بشري حقونو د موور جایزې ۲۰۲۶ لپاره څلور کتابونه نوماند شول
د بشري حقونو د کریسټوفر جي. مور جایزې لپاره څلور کتابونه وروستي نوملړ ته لار موندلې چې د ناعادلانه محکومیت، وسله‌والو بریدونو او جلاوطنۍ موضوعات څېړي.
د بشري حقونو د موور جایزې ۲۰۲۶ لپاره څلور کتابونه وروستي نوملړ ته لار موندلې.

څلور کتابونه چې د ناعادلانه محکومیت، پر تورپوستو امریکایانو د وسله‌والو بریدونو، په موزمبیق کې د وسله‌والو ډلو د مرګونو بریدونو او په جلاوطنۍ کې د ژوند د ستونزو موضوعات څېړي، د ۲۰۲۶ کال د کریسټوفر جي. مور د بشري حقونو جایزې وروستي نوملړ ته شامل شوي دي.

د کریسټوفر جي. مور بنسټ، چې په بریتانیا کې ثبت شوې خیریه اداره ده، د سې‌شنبې په ورځ د دې جایزې د وروستیو نوماندانو نوملړ اعلان کړ.

د بنسټ د معلوماتو له مخې، دغه څلور کتابونه له نهو هغو اثارو څخه غوره شوي چې لومړنی نوملړ یې د جون په میاشت کې خپور شوی و.

د کریسټوفر جي. مور جایزه هر کال هغو لیکوالو او اثارو ته ورکول کېږي چې د بشري حقونو په برخه کې مهم موضوعات څېړي او د انساني حقونو، عدالت او ټولنیزو ستونزو په اړه عامه پوهاوی زیاتوي.

ټاکل شوې د ۲۰۲۷ کال د جنورۍ په شپږمه د دې جایزې ګټونکی اعلان شي. د جایزې ګټونکي ته به دوه زره برېتانوي پونډه نغدي ډالۍ هم ورکړل شي.


Advertisement Space Available Contact us for advertising