لټون

د امریکا د ټکنالوژۍ بازار ۲.۵ ټریلیونه ډالره زیان کړی

15 لړم 1405 - 09:21 49 views
د امریکا د ټکنالوژۍ بازار ۲.۵ ټریلیونه ډالره زیان کړی
د امریکا د ټکنالوژۍ بازار د ډیموکراټانو له بریا او د مصنوعي ځیرکتیا په اړه د اندېښنو له امله ۲.۵ ټریلیونه ډالره زیان کړی.

د امریکا د منځمهالو ټاکنو د پایلو او د مصنوعي ځیرکتیا د راتلونکي په اړه د اندېښنو له زیاتېدو سره، د دغه هېواد د سترو ټکنالوژۍ شرکتونو د ونډو بازار له سختې غورځېدنې سره مخ شوی دی.

د رویټرز خبري اژانس د راپور له مخې، د نزدک ۱۰۰ شاخص چې د امریکا د سترو ټکنالوژۍ شرکتونو ونډې پکې شاملې دي، ۶.۴ سلنه راټیټ شوی دی. د دې کمښت په پایله کې د دغو شرکتونو د ونډو له ټول ارزښت څخه شاوخوا ۲.۵ ټریلیونه ډالره کم شوي دي.

پانګه‌وال اندېښنه لري چې د ډیموکراټانو بریا ښايي د معلوماتو د زېرمه کولو د لویو مرکزونو پر جوړولو او د مصنوعي ځیرکتیا اړوندو فعالیتونو پر پراختیا محدودیتونه ولګوي.

همدې اندېښنو د ټکنالوژۍ په بازار کې د پانګه‌والو باور کم کړی او د سترو شرکتونو د ونډو د بیو د راټیټېدو لامل شوې دي.


Advertisement Space Available Contact us for advertising