د امریکا د منځمهالو ټاکنو په پایلو کې د جمهوري غوښتونکو له ماتې وروسته، د جګړې وزیر پیټ هېګسېټ د ایران جګړې د سیاسي پایلو له امله د حساب ورکولو له زیاتېدونکو فشارونو سره مخ شوی دی.
د CNN د راپور له مخې، که څه هم د جګړې د پیل پرېکړه ولسمشر ډونالډ ټرمپ کړې وه، خو اوس ځینې سیاسي څېرې د هېګسېټ د ځواب ویلو غوښتنه کوي.
تمه ده چې د امریکا د استازو جرګه د راتلونکې اوونۍ له پیله د هېګسېټ د استیضاح طرحه د رایې اچونې لپاره وړاندې کړي.
د کینټکي ایالت جمهوري غوښتونکي استازي توماس ماسي تر دې وړاندې د هېګسېټ د استیضاح طرحه وړاندې کړې وه او ژمنه یې کړې وه چې له ټاکنو وروسته به یې د رایې اچونې لپاره وړاندې کړي.
بلخوا، ډونالډ ټرمپ د چهارشنبې په ورځ د هېګسېټ ملاتړ وکړ او ویې ویل چې نوموړی «ډېر ښه کار کوي».