د عزیزي ګروپ مشر میرویس عزیزي په دوبۍ کې د برشنا شرکت له عمومي رئیس عبدالحق همکار سره د افغانستان د ۱۰ زره مېګاواټه برېښنا تولید پروژې د تطبیق او د همکارۍ د چوکاټ په اړه خبرې کړې دي.
عزیزي په خپله اېکس پاڼه لیکلي، چې په دې لیدنه کې د لویو انرژۍ پروژو د پر وخت عملي کولو لپاره د دولتي ادارو او خصوصي سکټور ترمنځ د همکارۍ پر پیاوړتیا ټینګار شوی دی.
دا لیدنه په داسې حال کې ترسره کېږي، چې په افغانستان کې د برېښنا د تولید د ظرفیت لوړول او د انرژۍ د اړتیاوو پوره کول له مهمو اقتصادي او بنسټیزو موضوعاتو څخه ګڼل کېږي.