لټون

ټرمپ: له اوکراین سره د سولې په خبرو کې پرمختګ شوی؛ زلنسکي د هوکړې غوښتونکی نه دی

27 تله 1405 - 13:42 164 views
ټرمپ: له اوکراین سره د سولې په خبرو کې پرمختګ شوی؛ زلنسکي د هوکړې غوښتونکی نه دی
Photo: Reuters د امریکا ولسمشر ډونالډ ټرمپ ویلي، له روسیې سره د اوکراین د جګړې د پای ته رسولو په خبرو کې د پام وړ پرمختګ شوی، خو ادعا یې کړې چې د اوکراین ولسمشر ولادیمیر زلنسکي سولې ته د رسېدو لپاره لېوالتیا نه لري

ټرمپ د یکشنبې په ورځ (اکټوبر ۱۸مه) په خپله ټولنیزه شبکه «ټروت سوشیل» کې لیکلي، دی د روسیې او اوکراین ترمنځ د سولې لپاره خبرې کوي او نه غواړي داسې اقدام وکړي چې مسکو له خبرو لرې کړي.

هغه زیاته کړې، د روسیې پر وړاندې د نورو اقداماتو په اړه د یوه سند لاسلیک یې ځنډولی، ځکه د ده په وینا، دغه سند وروسته هم لاسلیکولای شي. ټرمپ د یرغمل شویو کسانو د خوشې کولو په اړه روانې خبرې هم د پرمختګ یوه برخه بللې، خو د احتمالي هوکړې په اړه یې مشخص جزئیات نه دي ورکړي.

ټرمپ همداراز د روسیې د تېلو د تصفیې پر تاسیساتو د اوکراین بریدونه نقد کړي او ادعا یې کړې چې دغه بریدونه د ډیزلو پر نړیوالو بازارونو، په ګډون د امریکا پر بازار، منفي اغېز کوي.

هغه ویلي، اوکراین کولای شوای دوه کاله مخکې په خبرو کې تر دې غوره شرایط ترلاسه کړي وای. خو ټرمپ په خپله لیکنه کې د زلنسکي د نیت په اړه د خپلو ادعاوو لپاره شواهد نه دي وړاندې کړي.


Advertisement Space Available Contact us for advertising