د امریکا ولسمشر ډونالډ ټرمپ یو ځل بیا د نوبل د سولې جایزې د نه ګټلو په اړه نیوکه کړې او د ۲۰۲۶ کال د جایزې د کمېټې پرېکړه یې «شرموونکې او د ننگ وړ» بللې ده.
د ورکړل شوي راپور له مخې، د ۲۰۲۶ کال د سولې نوبل جایزه د سویلي افریقا نړیوالې حقوقپوهې او د نړیوالې جزایي محکمې پخوانۍ قاضي ناوي پیلای ته ورکړل شوې ده.
ټرمپ د جایزې د ګټونکې د نوم له اعلان څو ساعته وروسته، په یوه انتخاباتي غونډه کې ویلي چې د دې «مرموزې څېرې» نوم یې هېڅکله نه دی اورېدلی او په خبره یې، څوک یې هم نه پېژني.
نوموړي همداراز په خپله ټولنیزه شبکه کې لیکلي چې دغه ښځې د امریکا پر ځای جایزه ترلاسه کړې، په داسې حال کې چې د ده په وینا، نوموړي اته جګړې پای ته رسولې دي.
د ټرمپ دا څرګندونې په داسې حال کې کېږي چې نوموړي په وار وار د نوبل د سولې جایزې د ګټلو لېوالتیا څرګنده کړې او د نړیوالو شخړو په حل کې یې خپل رول یاد کړی دی.