لټون

لیتوانیا کې ۳۵ افغان او عراقي کډوال نیول شوي

11 تله 1405 - 13:44 114 views
لیتوانیا کې ۳۵ افغان او عراقي کډوال نیول شوي
لیتوانیا چارواکي وايي، ۳۵ افغان او عراقي کډوال د بلاروس له لارې دغه هېواد ته د غیرقانوني ننوتلو پر مهال نیول شوي او ۲۹ یې بېرته ستانه شوي دي

د لیتوانیا د دولتي سرحدي ځواکونو د معلوماتو له مخې، دغه کسان د پنجشنبې په ماښام د وارنا په سیمه کې له سرحده تر اوښتلو وروسته  د سرحدي ځواکونو، ځانګړو ځواکونو او پولیسو په ګډ عملیاتو کې ونیول شول.

چارواکي وايي، ټول نیول شوي کسان نارینه دي او عمرونه یې د ۲۰ او ۳۰ کلونو ترمنځ دي. له ډلې یې ۱۱ کسانو د هویت اسناد لرل، خو پاتې نور له اسنادو پرته وو.

د لیتوانیا د سرحدي ځواکونو په وینا، تر اوسه ۲۹ کسان بېرته بلاروس ته ستانه شوي، د پنځو نورو د قضیې څېړنه روانه ده او یو کس د روغتیايي ستونزې له امله د معاینې لپاره روغتیايي مرکز ته لېږدول شوی دی.

د لیتوانیا چارواکي وايي، د روان ۲۰۲۶ کال له پیل راهیسې یې د بلاروس له لارې دغه هېواد ته د ۱۶۶۱ کسانو د غیرقانوني ننوتلو مخه نیولې ده


Advertisement Space Available Contact us for advertising