لټون

طالبان وایي چې پاکستان پولې ته څیرمه افغان کډوال په هوایي بریدونو کې په نښه کړي

3 تله 1405 - 12:01 189 views
طالبان وایي چې پاکستان پولې ته څیرمه افغان کډوال په هوایي بریدونو کې په نښه کړي

دا بریدونه د ډیورنډ کرښې پر اوږدو د مخ پر زیاتېدونکو ترینګلتیاوو په ترڅ کې شوي دي.

کابل لا هم دا ادعا ردوي چې ګواکې په افغانستان کې د پولې پورې غاړې د وسله‌والو ډلو کوربتوب کېږي؛ خو د افغانستان له لوېدیځې پولې سره د پاکستان پوځي حضور او دریځ په پام وړ ډول سخت شوی دی.

وروستۍ ادعاوې وروسته له هغې مطرح کېږي چې پاکستان په څو ورځو کې دوه ځله د افغانستان دننه هوايي عملیات ترسره کړل. د سپټمبر په ۲۱مه د پاکستان الوتکو د کونړ او پکتیکا ولایتونو ځینې سیمې بمبار کړې. اسلام‌اباد ویلي چې په دغو عملیاتو کې د وسله‌والو پټنځایونه په نښه شوي او ادعا یې کړې چې ۲۸ وسله‌وال وژل شوي دي.

خو افغان چارواکو د ملکي وګړو د مرګ‌ژوبلې راپور ورکړی. په افغانستان کې د ملګرو ملتونو مرستندویه پلاوي (یوناما) هم تایید کړې چې په کونړ کې د هوايي بریدونو په پایله کې درې ملکي وګړي، چې یو سړی، یوه ښځه او یوه نجلۍ پکې شامل دي، وژل شوي او څلور نور ټپیان شوي دي.


Advertisement Space Available Contact us for advertising