شهباز شریف دا څرګندونې د ملګرو ملتونو د عمومي اسامبلې د ۸۱مې غونډې په ترڅ کې کړې دي. د پاکستان حکومت له دې وړاندې هم پر افغانستان تور لګولی چې وسلهوالو ډلو ته اجازه ورکوي له افغان خاورې د پاکستان پر ضد فعالیت وکړي؛ خو افغان چارواکو دا ډول ادعاوې رد کړې دي.
شهباز شریف ټینګار کړی چې پاکستان د ترهګرۍ پر وړاندې مبارزه کې د پام وړ انساني او اقتصادي زیانونه لیدلي دي. هغه تر دې مخکې ویلي وو چې پاکستان په تېرو شاوخوا ۲۵ کلونو کې د ترهګرۍ پر وړاندې په مبارزه کې له ۹۰ زرو ډېر کسان له لاسه ورکړي او له ۱۵۰ میلیارد ډالرو څخه ډېر اقتصادي زیان یې لیدلی دی.
هغه ویلي، نړیواله ټولنه باید د پاکستان د دغو قربانیو قدر وکړي او که پاکستان د ترهګرۍ پر وړاندې مبارزه نه وای کړې، د ده په وینا، د ترهګرو ګواښ ښايي د لندن، نیویارک او پاریس تر کوڅو هم رسېدلی وای.