رویټرز خبري اژانس د یمن د څلورو حکومتي او طبي سرچینو په حواله راپور ورکړی، چې دغه برید د دوشنبې په ورځ د شبوه ولایت پر یوه پوځي روزنیز کمپ شوی دی.
سرچینو ویلي، په برید کې مرګژوبله اوښتې، خو د ټپیانو د شمېر او د برید د څرنګوالي په اړه یې نور جزئیات نه دي ورکړي.
حوثیان د یمن یوه وسلهواله ډله ده چې له ایران سره نږدې اړیکې لري او له کلونو راهیسې د یمن له نړیوالې پېژندل شوې حکومت سره په جګړه کې ښکېل دي.