لټون

پاریس کې د افغان کډوالو د اخراج په تړاو د فرانسې او طالبانو د خبرو پر ضد لاریون وشو

24 تله 1405 - 10:18 133 views
پاریس کې د افغان کډوالو د اخراج په تړاو د فرانسې او طالبانو د خبرو پر ضد لاریون وشو
پاریس کې د افغان کډوالو د اخراج په تړاو د فرانسې او طالبانو د خبرو پر ضد لاریون؛ ګډونوالو د بشري حقونو او د ښځو د حقونو د خوندیتوب غوښتنه کړې

لاریون د فرانسې په پلازمېنه پاریس کې ترسره شوی و چې د ښځو د حقونو مدافعانو، د بشري ارزښتونو ملاتړو او د رسنیو استازو پکې ګډون کړی و.

لاریون کوونکو د افغان کډوالو د بېرته لېږلو په تړاو د فرانسې دا اقدام د دغه هېواد له هغو ارزښتونو سره په ټکر کې وباله چې د بشري حقونو، ازادۍ او انساني کرامت پر ملاتړ ټینګار کوي.


دوی د افغان کډوالو د وضعیت په اړه اندېښنه څرګنده کړې او د دې موضوع پر وړاندې یې د بشري حقونو او د ښځو د حقونو د خوندیتوب پر اهمیت ټینګار کړی دی.

افغانستان ته د کډوالو د بېرته ستنولو موضوع په داسې حال کې مطرح کېږي چې د طالبانو تر واکمنۍ لاندې د ښځو او نجونو پر زده‌کړو، کار او ټولنیز ژوند ګڼ محدودیتونه لګېدلي دي. له همدې امله، د افغان کډوالو د بېرته لېږلو په اړه هر ډول پرېکړه د بشري حقونو، خوندیتوب او د بېرته ستنېدونکو د راتلونکي په تړاو اندېښنې راپورته کوي.


Advertisement Space Available Contact us for advertising