پښتین ویلي، په پاکستان کې که ډیموکراسي وي، واک د پنجابي سیاستوالو په لاس کې وي او که دیکتاتوري وي، واک د پنجابي جنرالانو په لاس کې وي. د نوموړي په وینا، دواړه ډلې د پښتنو پر وړاندې یو ډول چلند لري.
هغه زیاته کړې، پښتنو په تېرو اتیا کلونو کې د بدلون لپاره بېلابېلې لارې ازمویلې، خو په خبره یې، له سپکاوي پرته یې بله پایله نه ده ترلاسه کړې.
پښتین همدارنګه ادعا کړې، چې پښتونخوا د پاکستان د واکمنو له لوري د خپلو پرېکړو د عملي کولو لپاره د لابراتوار په توګه کارول شوې ده.
د پښتون ژغورنې غورځنګ مشر د پاکستاني پوځ له لوري د سولهییزو لاریونوالو نیول هم غندلي او د هغوی پر وړاندې یې د اقداماتو په اړه نیوکه کړې ده