لټون

بریتانیا کې پر یهودانو د برید پلان په تور نیول شوي کس مخکې په جرمني کې پناه غوښتې وه

12 تله 1405 - 12:28 347 views
بریتانیا کې پر یهودانو د برید پلان په تور نیول شوي کس مخکې په جرمني کې پناه غوښتې وه
د محکمې د معلوماتو له مخې، رحمان صالحي په ۲۰۲۰ کال کې د کوچنۍ کښتۍ له لارې بریتانیا ته تللی و، خو تر دې مخکې یې پنځه کاله په جرمني کې تېر کړي وو. نوموړی او یو بل کس د یوم کیپور له ورځې مخکې نیول شوي دي

د بریتانیا یوې محکمې اورېدلي چې د ایران یو ۳۴ کلن تبعه، چې په مانچسټر کې د یهودانو پر ټولنې د احتمالي برید د پلان په تړاو نیول شوی، تر بریتانیا مخکې په جرمني کې د پناه غوښتنه کړې وه.

د راپور له مخې، رحمان صالحي په ۲۰۲۰ کال کې د کوچنۍ کښتۍ له لارې بریتانیا ته داخل شوی و. نوموړي تر دې مخکې پنځه کاله په جرمني کې تېر کړي او هلته یې د پناه غوښتنه کړې وه.

صالحي او ۳۶ کلن سلام احمدیان د سپټمبر په ۲۰مه، د یوم کیپور له ورځې یوه ورځ مخکې، په مانچسټر کې د ترهګرۍ ضد پولیسو له خوا نیول شوي دي. یوم کیپور د یهودانو په مذهبي کلیزه کې تر ټولو مهمه ورځ بلل کېږي.

د محکمې د معلوماتو له مخې، دواړه کسان د مانچسټر د یهودي ټولنې پر وړاندې د یوه احتمالي دویم برید د پلان په تړاو تر څېړنې لاندې دي. تر اوسه د قضیې په اړه د تورونو وروستۍ پرېکړه نه ده شوې او دواړه کسان د محکمې له وروستۍ پرېکړې مخکې بې‌ګناه ګڼل کېږي.

د دغې قضیې جزئیات په داسې وخت کې مطرح کېږي چې بریتانیا د کوچنیو کښتیو له لارې د غیرقانوني سفرونو، پناه غوښتنې او د ملي امنیت د احتمالي ګواښونو په اړه له زیاتېدونکو بحثونو سره مخ ده.


Advertisement Space Available Contact us for advertising