لټون

فرانسې بلجیم ته ماتې ورکړه؛ مایکل اولیز د بریا ګول وواهه

6 تله 1405 - 21:30 مینه 126 views
فرانسې بلجیم ته ماتې ورکړه؛ مایکل اولیز د بریا ګول وواهه
فرانسې د مایکل اولیز د وروستي ګول په مټ خپله دویمه پرله‌پسې بریا ترلاسه کړه او اوس به د جمعې په شپه له ایټالیا سره مخامخ شي.

د فرانسې د فوټبال ملي لوبډلې د دوشنبې په شپه بلجیم ته ۱-۰ ماتې ورکړه. د لوبې یوازینی او ګټونکی ګول مایکل اولیز د لوبې په ۸۸مه دقیقه کې وواهه.

دا د فرانسې دویمه پرله‌پسې بریا وه، وروسته له هغې چې څو ورځې وړاندې یې ترکیې ته هم ۱-۰ ماتې ورکړې وه.

سره له دې چې د بریا ګول اولیز وواهه، خو دیزیر دوې د فرانسې تر ټولو اغېزناک لوبغاړی وبلل شو. نوموړی په داسې حال کې د فرانسې د بریدونو اصلي محرک و چې کیلیان امباپه په لوبډله کې نه و او عثمان دیمبلي او مایکل اولیز هم لوبه له احتیاطي بنچ څخه پیل کړې وه.

په دغه لوبه کې د فرانسې لپاره یو شمېر لوبغاړو خپله لومړنۍ لوبه له پیله ترسره کړه، چې پکې استیبان لوپال، جېرېمي ژاک، انډي دیوف او لوکاس دا کونا شامل وو.

فرانسه به د خپلو راتلونکو سیالیو په لړ کې د جمعې په شپه له ایټالیا سره مخامخ شي.

مینه

خبرېاله

Advertisement Space Available Contact us for advertising