که، یا په بل عبارت کله چې، په نړۍ کې یو لوی ناورین رامنځته شي، اسټرالیا کېدای شي د ځمکې پر مخ له تر ټولو خوندي ځایونو څخه وي.
نوې څېړنې ښيي چې د اسټرالیا جغرافیایي انزوا، پر ځان بسیا کېدل او سیاسي ثبات کولی شي له دې هېواد سره مرسته وکړي چې د نړۍ د ډېرو لویو بحرانونو پر وړاندې مقاومت وکړي.
دغه ناورین کېدای شي له اټومي ژمي او د سیارکونو له لګېدو څخه نیولې تر داسې سترې ټکنالوژیکې فاجعې پورې وي چې عصري تمدن ګډوډ کړي.
خو څېړونکي خبرداری ورکوي چې هېڅ هېواد به له داسې ناورین څخه په بشپړه توګه بېزیانه ونه وځي. دوی ټینګار کوي چې د یوه هېواد د بقا او بیا رغونې وړتیا ښايي یوازې پر ملي سرچینو او پولو پورې تړلې نه وي، بلکې د سیمهییزو ټولنو پر چمتووالي، مقاومت او همکارۍ هم ډېره اړه ولري.